Андижонда “дорифурушлар” кирдикорлари фош этилди
Улар 325 000 сўм пул эвазига Андижон шаҳрида яшовчи фуқародан сотиб олган.
Андижон вилоят ИИБ ЖҚБ гиёҳвандлик воситалари билан қонунга хилоф равишда муомала қилишга қарши курашиш бўлими ходимлари томонидан тезкор тадбир ўтказилди.
Вилоят ИИБ ахборот хизматининг маълум қилишича, Пахтаобод тумани яшовчи фуқаро М.С.нинг ёни кўздан кечирилганида 2 дона “Тропикамид” номли кучли таъсир этувчи дори воситалари борлиги маълум бўлди. Суриштирув ишлари давомида фуқаро М.С. мазкур дори воситаларини 325 000 сўм пул эвазига Андижон шаҳрида яшовчи фуқаро М.Н.дан сотиб олганлиги аниқланди.
Тадбир давомида М.Н.нинг яшаш хонадонидан 11 дона “Тропикамид 10 мл”, 9 дона “Тропикамид 5 мл” 18 дона “Лирика” ва 8 дона “Регапен” номли кучли таъсир этувчи дори воситалари олинди.
Ҳозирда мазкур ҳолат юзасидан дастлабки ҳужжатлар расмийлаштирилиб, тезкор-суриштирув ишлари олиб борилмоқда.
Эслатиб ўтамиз, Ширин шаҳрида кучли таъсир қилувчи дори воситаларини сотаётган шахс ушлангани, зангиоталик фуқаро 915 миллион сўмлик “Ремдесивир” дори воситасини 12 минг долларга сотишга урингани, кучли таъсир қилувчи дори воситаларининг ноқонуний савдосига чек қўйилгани ҳамда Тошкентда кучли таъсир этувчи дори воситаларини сотаётган дорихоналар аниқлангани ҳақида хабар берилганди.
