Урганчда МИБ аралашуви билан 21 та оила яраштирилди

 

Оила-жамиятнинг таянчи. Фарзанд тарбиялаётган ота-она ҳар томонлама фарзандларига ўрнак бўлиши жуда муҳим. Бироқ сўнгги вақтларда оилавий ажримлар сонининг ортишини эшитиб, кўнглингиз хира тортади. Мажбурий ижро бюросиинг Хоразм вилояти ҳудудий бўлимлари томонидан ажрашган оилаларнинг тиклаши юзасидан бир қанча ишлар амалга оширилмоқда. 

 

МИБ Жамоатчилик билан алоқалар ва ҳуқуқий ахборот бўлими бошлиғи Фаррух Тошпўлатовнинг Zamon.uz'га хабар қилишича, бюронинг Урганч туман бўлими иш юритувида бўлган фуқаролик ишлари бўйича Урганч туманлараро судининг 2019 йил 1 августдаги суд буйруғига асосан қарздор О.Шариповдан ундирувчи С.Эркаеванинг фойдасига 2 нафар вояга етмаган фарзандлари вояга етгунига қадар алимент ундириш тўғрсидаги ижро ҳужжати мавжуд бўлган.

Давлат ижрочиси томонидан олиб борилган тўғри ҳуқуқий тушунтириш тадбирларидан сўнг уларнинг оиласи яраштирилиб, эндиликда бирга яшаб ҳаёт кечиришмоқда. Соддароқ қилиб айтганда, вояга етмаган фарзанднинг баркамол тарбия топиши ва ажрашган оилалар сонининг камайишига эришилди. 

 

Қайд этилишича, шунингдек жорий йилнинг октябрь ойида бўлим ходимлари томонидан қарздор ва ундирувчилар билан олиб борилган профилактик суҳбатлар натижасида 21 та оила яраштирилдди. 50 нафардан ортиқ болаларнинг етим қолишининг олди олинди.

 

 Эслатиб ўтамиз, Қашқадарёда алимент тўламаган 11 нафар ота қамоққа олинганди.

 

Аввалроқ Андижонда бир ойда 23 та оила яраштирилгани, қарздор ота алимент тўлови ўрнига фарзандларига уй бергани, Фарғонада 40 миллион сўм алимент пули олдиндан тўлаб берилгани, Ромитанда 118,3 миллион сўм алимент маблағлари ундириб берилгани ҳамда Zamon.uz' сайти жамоаси томонидан ажримга қандай ҳолатлар сабаб бўлиши мумкинлиги юзасидан аҳолимизнинг фикри ўрганилганди.