Тошкентда тадбиркорнинг мулкини ўзлаштирган шахсларнинг кирдикорлари фош бўлди

 

Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар қилди.

 

Хабарда айтилишича, Департаментнинг Бектемир туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилди. Унда Б.Қ. ва бошқалар олдин тил бириктириб, “H.” МЧЖ томонидан Покистон ва Эрон давлатларидан импорт қилинган мева-сабзавот маҳсулотларини сотувидан тушган 489,7 миллион сўмни талон-торож қилганликлари маълум бўлди.

 

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан  жиноят иши қўзғатилиб, тергов ҳаракатлари ўтказилмоқда.

 

Эслатиб ўтамиз, аввалроқ Термизда кўмир маҳсулоти талон-торож қилингани, Қашқадарёда мансабдор шасхларнинг кирдикори фош бўлгани, Тошкентда 400 миллион сўмдан ортиқ пулни талон-тарож қилган ширкат раҳбари қўлга тушгани, ширкатлар томонидан 1 миллиард 809 миллион сўм талон-тарож қилингани аниқлангани ҳамда Сергелида 32,5 минг долларни ўзлаштириб юборган банк кассири ва бош мутахассисига жиноят иши қўзғатилгани ҳақида хабар берилганди.