Тошкентда кучли таъсир қилувчи дори воситаларини сотаётган шахслар ушланди

 

Бош прокуратура ҳузуридаги Департаментнинг Тошкент шаҳар бошқармаси ва ДХХ томонидан тезкор тадбир ўтказилди. Унда фуқаро А.Қ. харидор А.га жами 2 744 дона “Регапен” нолми кучли таъсир қилувчи дори воситасини 2 300 АҚШ долларига сотган.

 

Маълум бўлишича, Учтепа тумани 12-мавзеда жойлашган уйнинг ертўласида 1 744 дона “Регапен” номли дори воситаси сақлаб келинган. Тадбир якунида жами 80 қути 4 488 дона “Регапен” дори воситаси ашёвий далил сифатида олинган. 

 

Яна бир худди шундай ҳолат Департаментнинг Чилонзор туман бўлими ҳамда ДХХ томонидан ўтказилган тезкор тадбирда ҳам кузатилди. Унда фуқаролар Д.Т. ва Д.С.лар кучли таъсир қилувчи дори воситаларини муомалага киритиш орқали даромад орттиришни кўзлаган. 1 120 дона “Регапен” ва 600 дона “Тропикамид” номли дори воситаларини 4 000 АҚШ долларига сотган. 

 

Таъкидланишича, ҳозирда ҳар иккала ҳолат юзасидан Жиноят кодексининг 186-3-моддаси (таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) билан жиноят ишлари қўзғатилиб, тергов ҳаракатлари ўтказилмоқда.

 

Эслатиб ўтамиз, аввалроқ кучли таъсир қилувчи дори воситаларининг ноқонуний савдосига чек қўйилгани, Тошкентда кучли таъсир этувчи дори воситаларини сотаётган дорихоналар аниқлангани, Ширин шаҳрида кучли таъсир қилувчи дори воситаларини сотаётган шахс ушлангани, Жиззахда талаб юқори дори воситаларини ноқонуний муомалага киритилишининг олди олингани ҳамда Сирдарёда кучли таъсир қилувчи "Тропикамид" дори воситасини сотаётган шахс аниқлангани ҳақида хабар берилганди.