Пойтахтнинг икки туманида иссиқлик таъминоти узилди

 

Тошкент шаҳрининг Олмазор ва Шайхонтоҳур туманларидаги айрим ҳудудларда иссиқлик таъминоти вақтинча тўхтатилди. Бу ҳақда "Тошиссиққуввати" хабар берди.

 

ИМ-10 қозонхонасига уланган М-0 Ду-800 магистрал иссиқлик тармоқларида носозлик вужудга келганлиги сабабли, бугун 6 декабрь куни соат 10:00 дан 17:00 гача қатор манзилларда иссиқлик таъминоти вақтинчалик тўхтатилди. 

 

Олмазор туманинг Фаробий, Мирзо Ғолиб, Қамарнисо, Шифокорлар, Г.Каримов, Хўжаев кўчалари ҳамда ТошМИ, Шифокорлар шаҳарчаси, ЎзМУ, ТошПИ, Г-30, Олимпия, Чимбой, Бешқўрғон-1,2,3,4, Мухбир, Қора қамиш 2/4 мавзеларида. Шайхонтоҳур туманининг эса Фаробий кўчаси ҳамда Жарариқ, Белтепа, Ибн Сино-1,2 мавзеларида ўчирилади.

 

Ҳозирда носозликни бартараф этиш ишлари амалга оширилиб, иссиқлик таъминоти қайта тикланади.

 

Эслатиб ўтамиз, аввалроқ Тошкентнинг айрим ҳудудлари иссиқ сув таъминотидан узиб қўйилгани, Тошкент шаҳрининг қатор ҳудудларида ичимлик суви билан боғлиқ узилишлар кузатилиши, пойтахтда ичимлик суви вақтинча тўхтатилгани, қатор мавзеларида иссиқ сув таъминоти вақтинча ўчирилиши ҳамда вақтинча сувсиз қоладиган ҳудудлар сони ошгани ҳақида хабар берилганди.