“Қочиш режаси” узоққа бормади
Қашқадарёда қидирувда бўлган шахс Тошкент шаҳрида ушланди.
Қашқадарё вилоят ИИБ ходимлари томонидан олиб борилган тезкор тадбирлар натижасида қидирувдаги шахс Тошкент шаҳрида қўлга олинди. Бу ҳақда вилоят ИИБ ахборот хизмати хабар берди.
Маълум бўлишича, Ўзбекистон Республикаси Жиноят кодексининг 184-моддаси 3-қисмида назарда тутилган жиноятни содир этган. У Қарши шаҳар ИИО ФМБ томонидан қидирувда бўлиб, Косон тумани “Обидийда” МФЙда яшовчи Д.Т қонундан қочиб қутулмоқчи бўлди.
Энди у бир эмас иккита ҳолат бўйича жавоб беришига тўғри келади.
Эслатиб ўтамиз, қидирувда бўлган қашқадарёлик шахс Санкт-Петербургда қўлга олинганди.
Аввалроқ Бухорода қидирувда бўлган шахс аерoпортда ушлангани ҳамда Тошкентда қидирувда бўлган ҳайдовчи ЙПХдан қочаётганида инспектор ва пиёдани уриб юборгани ҳақида хабар берилганди.
