Собиқ банк ходими 9 нафар фуқаронинг омонатига хиёнат қилди
У фуқароларнинг омонатга қўйган маблағини ўзлаштирган.
Маълум бўлишича, Бош прокуратура ҳузуридаги департаментнинг Бойсун туман бўлими томонидан АТ “Халқ банки” туман филиалининг мурожаатига асосан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилди.
Қайд этилишича, филиалнинг чакана хизматлари собиқ бўлим бошлиғи Ж.Т. 9 нафар фуқаронинг омонатга қўйиш учун топширган жами 566 миллион сўм нақд пулларини омонат ҳисоб рақамларига қўймасдан, ўзининг шахсий эҳтиёжларига ишлатиб, талон-торож қилганлиги маълум бўлди.
Ҳозирда мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, аввалроқ банкни "чув туширмоқчи бўлган" тадбиркорларнинг кирдикорлари фош этилгани, тадбиркорнинг 1 миллиард сўмини қўлга киритган фирибгар қўлга олингани,Тошкентда банкоматни бузиб, ичидан 165 миллион сўм ўғирлаган шахс ушлангани ҳамда Сергелида 32,5 минг долларни ўзлаштириб юборган банк кассири ва бош мутахассисига жиноят иши қўзғатилгани ҳақида хабар берилганди.
