Тошкентда "Matiz" ҳайдовчиси пиёдани уриб юборди

 

Тошкент шаҳар Ички ишлар бош бошқармаси хабарига кўра, 2021 йил 24 ноябрь куни тахминан соат 00:40 да Сергели тумани Тошкент халқа автомобиль йўлида аянчли ЙТҲ содир бўлди. "Матиз" автомобилини ишончнома асосида бошқарган 1998 йилда туғилган Д.И. йўлни белгиланмаган жойдан кесиб ўтаётган K.Ш.ни уриб юборган.

Йўл транспорт ҳодисаси оқибатида пиёда 1982 йилда туғилган K.Ш. тан жароҳатлари билан шифохонага ётқизилган. Бироқ шифокорларнинг саъй-ҳаракатларига қарамай, у ҳаётдан кўз юмган. 

 

Мазкур факт асосида Тошкент шаҳар ИИББ Тергов бошқармаси томонидан Ўзбекистон Республикаси Жиноят кодексининг 266-моддаси 2-қисми бўйича жиноят иши қўзғатилди.

 

Ҳозирда тергов ҳаракатлари давом этмоқда.

 

Эслатиб ўтамиз, Тошкентда "Spark" ҳайдовчиси пиёдани уриб юборганди. Аввалроқ Қашқадарёда "Cobalt" "Lacetti" билан тўқнашиб ағдарилиб кетгани, Сирдарёда ухлаб қолган юк машинаси ҳайдовчиси ЙТҲ оқибатида вафот этгани, Самарқанд ва Сурхондарёда содир бўлган автоҳалокатда тўрт киши ҳамда ҳайдовчининг ухлаб қолиши оқибатида йўловчи ҳалок бўлгани ҳақида хабар берилганди.

 

Ширин Холматова