Маълум бўлишича, жорий йил 16 октябрь куни соат 19:05 ларда давлат аҳамиятига эга бўлган 4Р-36 Жиззах — Фориш — Қизилча автомобиль йўлининг Фориш тумани Дўстлик маҳалласи ҳудудидан ўтган 111-километрида содир бўлган.
Қайд этилишича, Навоий вилояти Нурота туманида яшовчи "Синтоб" маҳалласида яшовчи ҳайдовчи "Nexia-3" машинасини Фориш — Нурота йўналишида бошқариб кетаётиб бошқарувни йўқотган. Натижада машина йўлнинг чап томонига ағдарилиб кетган.
Таъкидланишича, оқибатда машинада йўловчи сифатида кетаётган 2001 ва 2003 йилларда туғилган, Нурота тумани “Синтоб” маҳалласида яшовчи фуқаролар оғир тан жароҳати олиб воқеа жойида вафот этган.
Ҳозирда мазкур ҳолат юзасидан Фориш тумани ИИБ тергов бўлими томонидан тергов ҳаракатлари олиб борилмоқда.
Аввалроқ Наманганда ЙТҲ сабаб 75 ёшли пиёда вафот этгани, Сурхондарёда “Matiz” ағдарилиб кетгани, Тошкентда ҳайдовчининг ухлаб қолиши оқибатида 3 та машинага шикаст етказилгани ҳамда Бўстонлиқда 150 метр баландликдан "Spark" жарликка тушиб кетгани ҳақида хабар берилганди.